PUPUJIAN ELING_ELING

1.     Eling-eling Eling-eling dulur kabeh Ibadah ulah campoleh Berang peuting ulah weleh Bisina kaburu paeh Sabab urang bakal mati Nyawa dipundut ku Gusti Najan raja nyakrawati Teu bisa nyingkahan pati Karasana keur sakarat Nyerina kaliwat-liwat Kana ibadah diliwat Tara ngalakukeun sholat Kaduhung kaliwat langkung Tara nyembah ka Yang Agung Sakarat nyeri kalangkung Jasadna teu meunang embung

2.     Alam Mahsar Masya Allah matak kelar Di akherat kabeh gelar Tina pakuburan mencar Karumpul di alam mahsar Ari ngaran mahsar tea Palataran anu lega Panasna waktu harita Panon poe tujuh nyata Teu jauh tujuhanana Kira sepal antarana Narojo kabehanana Ka jalma goreng amalna Awak urang dirangsadan Henteu boga papakean Ngan hayang ider-ideran Neangan anu nulungan

Henteu aya iuh-iuh Pikeun urang tempat nyuuh Salawsna ngan pakewuh Nguping naraka ngaguruh Kapir munapek ngaromong Bener Nabi henteu bohong Ayeuna nyata katembong Ngan urang anu bedegong Baheula mah teu percaya Sugan teh ngan ukur beja Ayeuna henteu sulaya Sagala siksaan aya Jeung pada marawa buku Nuliskeun sakabeh laku Sarta kabeh pada ngaku Kana sunggelna buku Si kafir kacida heran Tuluy ngucap ka pangeran Nya saha ieu gamparan Nu nulis ieu lambaran Catetanna kabeh aya Nu awon nu sae aya Ayeuna sadaya-daya Si kafir teu bisa daya Ari jalma anu iman Taat ka syareat islam Salirana teh cahyaan Henteu kasorang siksaan Mana kudu eling pisan Getol taat ka pangeran Supaya jadi lantaran Ditarima iman islam Masing daek nya ibadah Ka Alloh nu sifat Murah Pibekeleun ka qiyamah Bisi panggih jeung tugenah

3.     Doa’ Nabi Adam Robbana ya Robbana dzolamnaa anfusanaa wa illam tagfirlaanaa watarhamnaa lanakunanna minal khoosiriin Du gusti pangeran abdi Abdi dzolim ka diri abdi Upami gusti teu ngahapunten Tangtos abdi janten jalmi anu rugi Abdi nganiaya diri Pami gusti teu ngahapunten Sareng gusti teu welas asih Tangtos abdi janten jalmi anu rugi (astaghfirullaha ta’ala lidzunubii likulliha.. sirriha wajahrihaa…. shoghiirihaa wakabiirihaa likullihaa) 4.     Eling-eling umat Eling-eling umat muslimin muslimat Hayu urang berjamaah sholat isya. Eta kawajiban keur urang di dunia Kanggo pibekeleun jaga di akherat Mun terang ganjaran sholat berjamaah Kabeh lalaki moal  sholat di imah Masjid pinuh persatuan moal bengkah Khusu’ na ibadah jeung pinuh barokah 5.     Doa’ Abu Nawas Ilaahii lastu lil Firdausi ahlaa Walaa aqwa ‘alan naaril jahiimi Fahabli taubatan waghfir dzunuubi Fainnaka ghofirud dzanbil ‘adhiimi Aduh Gusti,  abdi sanes ahli surga Nanging ku teu kiat nandangan neraka Mugi Gusti kersa maparinan taubat Gusti kawasa ngahampura sadaya dosa